教育部台灣閩南語認證佮成功大學全民台語認證出題个差別

陳豐惠小姐去中山醫台語系演講，介紹台語檢定。伊有講著成功大學台灣語文測驗中心个「全民台語認證」佮教育部个「台灣閩南語語言能力認證」，兩種檢定，雖然科目/題型攏仝款，但是有一點咱著注意：

教育部个題目出現个，是「漢字台文」，但是成大个題目所寫个，是「漢羅台文」。「漢字台文」，只要是推薦用字內底有个，伊攏會寫漢字；「漢羅台文」，親像真濟常用虛字，伊攏寫羅馬字（台羅），像 tī / ê / leh / tsia / tsit / hia / hit ....。閣其他漢字寫法卡有爭論个，伊嘛攏寫羅馬字。

「漢字台文」个範文，參考教育部台灣閩南語朗讀稿。http://140.111.34.54/MANDR/minna/first.html 請注意，其中个資料，是佇第三批推薦用字猶未公告進前，著整理出來个。佇第三批公告了後，恐驚無閣換新過，所以凡勢有幾字仔第三批个字，佇遮个朗讀稿內底寫法各樣[koh-iūnn]。

「漢羅台文」个文章，參考新出个《台文罔報》、《台文通訊》月刊。

諸位對即兩種台語文形式，有啥想法，敬請分享，勞力。