今仔日教典回流營第一工，下晡我講談台語文獻佮辭典之應用與解析。
Tsái起十點外去發車，才發現無電，發袂起來。 緊騎oo-tóo-bái出去揣保養場，看著逐間个鐵門攏thuah落來， 才想著禮拜日儂攏歇睏。後來靈機一動，去拜託厝邊个叔伯姊夫， 請伊駛車過來予我ù電--tsè。我个車斗內 ù電線隨時都攢便便咧。
下晡上課，我个高貴蘋果煞無法度投影出來，無-ta-uâ， 前一點半鐘久攏用主辦單位个Windows筆電，蓋袂慣勢， 也無法度讀我个外接SSD內个台語文獻資料。
中途歇睏，心念觀世音，想著重開機試看覓，成功矣！感恩。
我想著用重開機即步進前，心內有起過幾遍按呢个念頭： 「我出門進前明明有按算欲將 Mac mini 規台帶出來講-， 袋仔嘛揣好矣。」佳哉我無一直糾結[kiù-kat]佇即種「無路使念」 [bô-lōo-sái-liām]（無路使个念頭）--裡。
講課效果不良，共逐家會不是。失禮。
Comments powered by Disqus.