早起十點半，去夾菜轉來，今來試看新站有法度升級到 Chirpy 6.1.0 無？
初步試驗，build 會起來。我个邊欄个類別頭前無 icon 个問題消失去矣， 但是另外有寡問題愛解決，親像邊欄个內容袂對中， 文章內个大小標題袂出現佇正爿邊欄个「文章摘要」。
發現 Github Chirpy theme repo 遐个討論區有一條咧問講有儂有想欲共 Chirpy 轉做 Hugo 主題無，我著共伊回應講我真有需要。
下晡補成[póo-tshiânn] README.md，說明安裝佮使用 Chirpy theme 个細節，了後去面冊廣告。我無講著最後个 deployment，看有儂會問袂。
下暗有讀寡 Satori Reader，閣增補 READEME.md，做這真厚工， 但是有即馬个付出，別日仔才會喝講「佳哉」！
即馬時間是 23:59，發現 Chirpy 6.1.0 問題真濟，連頭頁文章列表个文字也變淺色去矣！ 可讀性變差，無值得tsit-tsūn了精神去升級，且按下。
Comments powered by Disqus.