2023-08-30學習日記

學習台語

今仔日繼續補成[póo-tshiânn]昨昏迄篇討論「現身」佮「獻身」台語音 个文。我無好好仔靜心徹底研究予好勢才落筆，變成一篇後文不斷修正前文个網路文字。

學習日語

學習電腦

讀一屑仔 Learning Perl 6.

生活記事

媽媽最近跤骨痠疼，艱苦行路。叫我閣載伊去潮州茂隆骨科，注射提藥仔。

中晝食飽，對潮州轉來，半路停紅燈个時，發現正爿車窗外，一个騎 oo-tóo-bái 个姿娘儂越頭看阮，喙 gap咧gap咧，毋知咧講啥。我个第一反應是我个車有啥koh樣， 伊欲報我知，但是我影bak.-kú-mí-á佮邊仔鏡，都無看著鏡內个車後佮車邊有啥問題。

總是，我隨將正爿个車窗絞落來，才聽清楚迄位姿娘講我个車後斗个門關無椆。 伊閣真好心，問我有需要伊替我關無。路中央伊按呢做有危險性，我毋敢麻煩伊， 擛手共伊講無要緊，閣比頭前路邊表示我會停落來處理。青紅燈變青燈，伊欲離開矣， 我緊共伊說謝。感恩！

伊是講華語，阮遮中年以下个女性，佮猶無偌老个生份儂講話，攏慣勢講華語矣。