2023-09-01學習日記：彙音妙悟「熋」韻有兩類

學習台語

以下是初步个探討，等有較完整个想法，才閣單獨鋪一篇。

洪惟仁教授著，《《彙音妙悟》與古代泉州音》p.146，分析「熋」韻所收字， 其實包含兩个完全無仝个韻：

1. 〈乃〉類：相當於中古蟹攝一、二等的鼻聲母文讀音。如乃、買、賣等少數字。
2. 〈蓮〉類：相當於中古山攝二、四等的鼻尾韻字的白話音。 如：蓮、反、間、先、研、千、前、莧。

另外閣有「畔（本字「爿」）、肩、揀、店、閬（戶橂）、𠕇、閒、眼」 遮个常用語素。

上聲个「反」字廣韻屬「山合三」，集韻列佇「山開二」佮「山開三」，後者較合咱用。 「店」字廣韻是「咸開四」，古早泉州話煞也走入去「熋」韻內，較稀罕。

洪老師冊裡 p.147 擬構个古代泉州音（後來伊所擬个共同閩南語也仝款）是：

〈乃〉*-aiN：文讀音。
〈蓮〉*-eriN：白話音。《彙音妙悟》與同安變 aiN，與〈乃〉韻合流。 其餘變 iriN，再變為現代泉州音的 uiN 與〈關〉韻合流。

不而過，以上「熋」韻字內个「反、畔」兩字佇「關」韻內也有收，顯示即兩字當咧佮 〈關〉韻合流，我推測原因是即兩字是雙唇聲母 p-，較早影響著元音圓唇化，變成 「熋、關合流」个先驅者。

廈英大辭典佮臺日大辭典所記載个泉腔閣有 irinn 即韻，但是目今泉州地區已經聽袂著 irinn 矣，主流變做 uinn，閣有變做 ui（石獅）佮 un（惠安）（參考洪惟仁教授 《閩南地區方言地圖集》）。

佳哉南管音閣有保留古泉腔，包括「蓮」个叫字是 lirinn5，「店」是 tirinn3。 不而過，傳承到今，有个南管儂共伊「現代化」唸做 nuînn 佮 tuìnn 矣。

學習日語

借《原來日語這樣學》電子冊來讀--寡。