Margaret Hamilton 心適小故事

雖然電腦界真少女性，早佇 1960年代，Apollo登月太空船个軟體程式，就是由一位女性 Margaret Hamilton 所主持設計个。

伊時常𤆬怹查某囝去電腦室，有一擺，囡仔無細膩去揤[tshi̍h]著一个開關，致使一台本來用來執行火箭「發射後程序」个電腦，煞去執行著「發射前程序」。

Hamilton 為著欲予即種代誌，佇將來火箭真正發射个時袂發生，專工設計一个錯誤檢查个程式，可惜伊个主管毋採用，講：「太空人都毋是囡仔，袂去誤揤著開關。」

結果後來太空人真正出現即種失誤，好佳哉 Hamilton 有佇操作說明書內底，另外記載變通个緊急處理法。