若有過頭「熱情」个朋友佇無相關个相片頂面標記汝个名姓，汝無佮意，著看FB予汝个通知，看是啥儂做个（注意：相片个上傳者佮做標記个儂可能無共儂），汝會用得寄話叫迄个標記者勿閣按呢做。
Facebook个政策是：既然汝接受伊做朋友，著是授權允准伊佇別位標記汝个名。但是伊若做了傷無站節，汝當然會使向FB提出檢舉。嘛會使將伊 對汝个朋友名單移除，按呢伊以後著無權利閣標記汝个名矣。
朋友標記汝，迄張像 著會出現佇汝個人檔案頂面一排細張个圖片頂峘。汝會使點迄个細張相片角--仔个 x 隱藏相片，勿予伊顯示踮遐。但是迄張像 猶原會閣出現佇汝全部个相片內底。
看按呢，汝有滿意無？若連汝个相簿，嘛無希望有迄張像，著愛去到別儂个相簿，有出現汝个標記个所在，點汝个名姓後壁个「移除標籤」。按呢才會凍佮迄張相片完全切斷關係。
另外，佇汝個人个「帳號->隱私設定->自訂設定->由其他人分享發佈的內容->我被標記在內的相(影)片瀏覽權限」，點「編輯設定」入去，佇「誰可以看到有我姓名標籤的相片和影片」，選「個人化設定」，閣選「只限本人」。
按呢，別儂佇別位个相片共汝做標記了後，FB會通知汝，但是遐个相片著完全袂出現佇汝個人檔案內底（別儂个相簿，猶原有汝名姓个標籤佇咧）。毋過按呢，汝个個人檔案頁面 頂峘迄排細張相片，別儂嘛攏看袂著矣，愛去汝个相簿，才看會著汝家治上傳个相片。
以上，提供予列位友志參考，向望對迄寡fans特別濟个朋友有路用 ^^
Comments powered by Disqus.