人心敗壞个新中國

中國伏虎山區个實事：

一个公車女司機，載一車儂客，到山區半路，三个查埔儂上車。無疑是土匪，欲將媠媠个司機拖出去，伊大聲喝救儂，規車無儂振動[tín-tāng]，獨獨一个瘦細个查埔乘客出頭，煞予土匪刣著傷。

土匪草踏司機了後，轉來車頂，叫司機繼續行。即時，司機煞硬趕迄个著傷个乘客落車，若無，司機就毋肯駛車，車頂遐个儂客，嘛綴咧喝喊[huah-hiàm]。迄儂真不平閣無奈何，只好落車。

司機後來將規台車挵落去崁底，車頂个儂死了了。迄儂看著新聞才曉悟，哭出來。

即種集體滅絕人性个代誌，中國愈來愈捷發生、愈來愈嚴重。予無人性个政府統治久，本來閣較善良个人民，人性嘛會扭曲[liú-khiok]去。

咱若支持馬英九統治集團，就是支持佮中國統一，統一了後，咱台灣个儂心，也會按呢敗壞落去。

其實咱予國民黨統治六十幾冬，咱个品行、意志早就變差去矣，只是若閣予共產黨統治，會愈離經[lī-king]。