代理孕母个爭議

陳昭姿醫師佇面冊寫講：

柯P 親口告訴我，他支持「代理孕母」。身為一個罹患先天性子宮發育不全的病人， 將「代理孕母」解禁與制度化，是我一生的心願！

我無留言反對伊，干焦佇我个個人版面寫出我个疑慮，文內並無提起陳醫師。

去看一屑仔資料，感覺代理孕母就是我本來所想--个： 有錢个翁仔某去揣無錢个查某儂，借伊个腹肚來生囝。過程中， 著愛開真濟錢彌補對方。等囡仔生出來，對方著愛照契約， 放棄對囡仔个一切權利。

即个查某儂可能對無錢變較有錢矣，但是伊佇精神、心理上个失落、苦痛[khóo-thàng]， 是欲按怎用法律來規範、補救咧？「欲愛錢，著愛付出代價，雙方面歡喜甘願， 日後當然袂使有長短跤話」？

各位女性朋友，佇啥乜情形下，恁願意出租家己个腹肚，替儂懷胎、生囝？

想袂到陳醫師遐爾無閒个儂，會看著我寫个，閣來留言：

你有沒弄清楚何謂代孕？捐精捐卵都可以了，收養都可以了 （不自願捐精+不自願捐卵+不自願代孕），為何只有最輕微， 引發最少問題之的代孕不行呢？成全別人追求幸福是人生的最高境界， 請用正面思考這個全世界四五十個國家都允許的代孕

我有心想欲佮伊好好仔對話，寫華文應講：

我無法想像一個女人忍受十月懷胎及最後的分娩痛苦， 生下孩子後卻只能依約被剝奪一切親權，這種苦竟然可以被視為最輕微的事。 即便孩子身上的基因沒有她的成份，但是兩者已經是實實在在的「血脈相連」了。

所謂「成全別人追求幸福是人生的最高境界」固然沒錯， 但是這種話不能由受益者來說，更何況這種成全是要付出重大的犧牲。

其實我並未強烈反對代理孕母合法化，但是建議想要推動代孕合法化的人， 不宜站在強調不孕者很需要有人來代孕的立場，而是多多為那些潛在的代孕者設想、 規劃及照料，社會才有可能接納。

伊閣應講：

那些反對代孕要求去收養的呢，照你理論，就是親生孩子整個被剝奪了， 到另一個家庭去了，實在無法理解你們的邏輯

收養有真濟情形是收養孤兒，當然嘛有家己無法度 tshiânn-tî，才送囝予儂收養， 彼是主動拜託別儂來解決家己个問題，佮代理孕母个情形差大碼。我想欲按呢應， 可惜陳醫師後來共我解除面友關係矣。我个面冊留言欄，有設定非朋友袂使留言， 所以我佮伊个討論就斷去矣。

陳醫師个個人版本我是猶原會使閣去寫–啥貨。伊真大方，容允非面友去留言， 我修養䆀，早前捌予不懂–个來亂過，後來就設較嚴矣。

補充：拄仔才發現，面冊即馬个設定做了閣較幼矣， 會使針對每一篇鋪文來設定無仝款个容允回應留言个儂群。 按呢我就特別共迄篇文設定做容允任何儂來留言。 我其他个面友个意見有个寫了真好。