厝邊嬰仔歹育飼

厝邊嬰仔歹育飼 tshù-pinn enn-á pháinn io-tshī
透早透暗哭佮啼 thàu-tsá-thàu-àm khàu kah thî
爸母疼囝惜無離 pē-bú thiànn-kiánn sioh bô lī
祝伊𠢕大笑咪咪 tsiok i gâu tuā tshiò-bi-bi

毋通看伊囡仔疕 m̄-thang khuànn i gín-ná-phí
暝日啼哭無停時 mê-ji̍t thî-khàu bô thîng-sî
幼囝上蓋有元氣 iù-kiánn siōng-kài ū guân-khì
聲聲響亮佇耳邊 siann-siann hiáng-liāng tī hīnn-pinn