反核四無路用，反馬才有效

真濟儂講著「核四 hi̍k-sì」就驚甲欲死，但是講著馬英九，怹猶原愛甲欲死。所以若將「反核四」定位做「反馬」，怹當然毋肯。

殊不知[sū-put-ti]，馬英九統治集團帶予台灣个災難劇千百齣，核四只是其中一齣。若干焦廢核四，無廢馬，後手伊會閣創出「核五、核六、核七……」，閣有無數个空頭，生雞卵--个，無；放雞屎--个，有。怹个目的就是欲徹底破壞台灣个自然、農業、經濟、社會、語言教育文化，一方面刻剝[khik-pak]一切个利頭來滿足怹集團个私慾，一方面也將台灣个根基挖挖起來，予台灣喪失自立个能力佮生存个尊嚴，最後順利被統一。

「反核四」無路用，「反馬」才有效。即个「馬」毋但是一个儂，也是規个統治集團、政商勾結體，閣khah是規套个意識型識。