台灣無認唐山；金門無認同安

關係台灣儂認同台灣，無認同福建、廣東，表達了真清楚个俗語是「台灣無認唐山；金門無認同安。」[Tâi-uân bô jīn Tn̂g-suann, Kim-mn̂g bô jîn Tâng-uann]（請注意地名「唐山」唸白話音，「同安」嘛唸像「銅鞍」白話音）。

佇遮，「無認」个意思，是指雖然有血緣、文化个歷史關係，但是因為隨儂討米，隨儂落鼎，已經隔斷太久，老早就無任何倫理上个義務愛去負擔，毋免閣轉去跪，轉去拜啦！

閣轉去拜唐山公？蹛台灣拜台灣媽卡實在、卡有人性啦！