面冊動態
台語「化學池 huà-ha̍k-tî」：本來應該是「化礐 huà-ha̍k」，是現代个屎礐仔， 分做幾若窟， 利用化學个原理予排卸物沓沓仔流過一窟過一窟，來淨化排卸物。 因為是有轉化、淨化作用个礐仔，所以叫做「化礐」。
但是因為「化礐」佮「化學」台語仝音，而且「化礐」个「礐」一般儂也較袂曉寫， 所以就寫做、唸做「化學池」。
其實礐是有特別作用个池，毋是飼魚个魚池，也毋是洗身軀个浴池，是用來貯囥、 浸泡有水分个物件，像用來貯屎个叫做「屎礐」，貯尿个叫做「尿礐」， 也有用來製造、浸泡天然藍色染料=个叫做「菁礐 tshinn-ha̍k」。
浸過相當个時日了後，用長柄个「桸 hia」將所貯个物件舀起來進一步利用， 舀屎尿做肥料用个桸就是「肥桸 puî-hia」。
因為「屎礐仔」是早年一般儂逐工攏咧用个，所以才簡稱做「礐仔」， 致使礐仔「臭名化」去，變做專門咧指稱屎礐仔。
「化礐」變做「化學池」，好--處是佮「化學」分會清，䆀--處是失去「礐」 即个寶貴个台語詞素。
「化學池」若恢復正字寫「化礐池」，閣有「礐」閣有「池」顛倒袂通矣。
親像高雄鳥松[Tsiáu-tshîng]个【大埤 Tuā-pi】，國民黨來，袂曉台語，變做「大貝湖」， 又閣奉民族偉人、民主長城 蔣公个聖旨改做「澄清湖」。
即个大埤，阮自細漢就攏講 Tuā-pi-ôo（大埤湖）矣，其實「埤」是「埤」， 是灌溉系統（埤圳）个半人工湖，「湖」是「湖」，又閣「埤」又閣「湖」， 是無必要、無意思个重疊。
面冊留言
Khóo Sè-lâm
讚
葉建良
大埤湖，國小3年遠足ê所在。
Ong Ik-huan
民主長城XDDD
老師這句有影倒剾正削，讚！！
潘科元
阮細漢不時咧唱「總統 蔣公紀念歌」歌詞內底有，恁即沿个就無唱著矣。
Ong Ik-huan
猶毋過我較狡怪，我較早猶閣是車輦黨个信徒个時陣就捌家己揣來唱矣。
涂文欽
另外一例，根據韋煙灶老師的講法台、客語的嵙著是溪的意思，台中新社有食水嵙，但是地圖攏寫食水嵙溪。中南半島的公著是江的意思，所以中文的湄公河其實是重複。
那澤
小學時只知道有大小貝湖，小貝湖就是目前長庚醫院的所在地。當時真的有埤塘跟灌溉溝圳，在溝圳有許許多多的河貝。約15公分長！不過摸回家煮熟後，小狗不吃。當時以為“小貝”湖的河貝都拿麼大！那大貝湖不就更大？哈哈哈！那時大貝湖還是神秘之境。
劉建仁
車碾牌仔講是 “民族救星”，對台灣儂講是 “災星”。
林金城
坪林有地名ㄑ粗石礐Tshoo -tsioh8-hak8〉，是浸大菁个〈菁礐〉。
楊燁
北投的教育起源地在今日北投國小西側叫「學仔內」
以前我以為台語〝學習〞、〝同學〞的唸法都可以
後來有前輩告訴我沒有人唸〝學習〞的學仔內
因為台語〝學習〞的學與礐同音
會讓人誤會 ^^!!
潘科元
嗯，o̍h8-á-lāi
許嘉勇
阮鹿港嘛有一个庄頭號做【學仔 o̍h-á】，在來計說「o̍h-á」，結果最近聽鹿港个朋友共我說講，少年人有个煞說做「ha̍k-á」--去--囉！😞
林清陽
當地民眾攏叫伊「大埤」。
廖淑鳳
阮講化糞池，化礐窟
劉建仁
請教台語 “化糞池” 按怎讀?
廖淑鳳
hòa-hùn-tî
劉建仁
多謝。是對華語來的台語語詞。
潘科元
「糞」字咱生活用語唸 pùn，會唸 hùn 應該就是文言書面語、抑是華語來个。
廖淑鳳
阮阿爸是塗水師，阮自細漢聽伊按呢講。
黃育陞
台南有叫烏橋的地名，以前好像就有一個大礐。所以當地人都會笑說：我讀『烏橋大礐』
Juihong Wu
(台語文) 進前我干焦會曉講「化糞池」、「化礐窟」，袂曉愛按怎寫，嘛毋捌想過欲按怎來寫。『化學池』阮毋捌學過，「化學池」嘛毋捌聽過，毋過『化學作用』是初中的時就知影。以上互相交流，交換生長的經驗。
劉建仁
舊台北縣三重埔有 “三重埔大學(礐)”。
Wen Chuan Huang
阮桃園嘛是講”三重埔大學”
Ang Uijin
15公分長的貝應該是「蟯篦」（giô-pe）。這的詞有時是指女陰的委婉詞。
Wen Chuan Huang
阮是講（tshân-pe）。原來（giô）是tih講職个意思！
劉俊男
阮兜:雲林大埤.到今.無半窟魚池.小漢日日行去讀册.要行過紅毛埤橋.這chun7.無半滴水.紅毛埤.辺仔.有一ケ竹囲.内底暗暗sam2sam3咱人講是:日人賜.無人敢oah.hm仔埔.m曾听人講:看着sann2.
Comments powered by Disqus.