台語文獻三大寶庫

台語文獻有三大類个寶庫：歌仔冊（閣有傳統戲劇个戲文）、白話字（包含聖經、字辭典、小說）、台語日語對照教材（包含字辭典、專業用語），另外閣有閩、台个地方韻書。

台語研究者，若只是關心「稽考本字」，就干焦會去關心官修韻書、三教經典、唐詩宋詞、章回小說。但是罕得會去致意頭前所講 三大類文獻个發掘、整理、研究，因為遮个資料 若毋是根本無寫漢字，就是所用个漢字，往往是借音字、借義字，閣有民間俗字，這怹攏看袂起。

隱囥[ún-khǹg]佇遮个文獻內底，寶貴个台語語音、語詞、語法，毋但無關心台語運命个一般台灣儂毋知了了，連台語專家、評審也真生疏，這是真phah-sńg个代誌。