台語白話字文獻讀冊會招邀[tsio-io]

各位關心台語文个友志，平安。

阮想欲來舉辦網路視訊[bāng-lōo sī-sìn]台語白話字（教會羅馬字）文獻讀冊會，我已經先設立一个facebook社團：「台語白話字文獻讀冊會 Tâi-gí Pe̍h-ōe-jī Bûn-hiàn Tha̍k-chheh-hōe」

有興趣个朋友歡迎加入社團，逐家來參詳具體進行个方式。我初步个計畫：

一、參加條件：台語、閩南語講會輾轉，有能力直接讀出全羅台文。

二、選讀義理深刻、言詞優美个古早白話字作品，古早是指清朝尾到戰後初期。

三、一禮拜進行一擺，兩點鐘左右。

四、利用 Google+ 所提供个「視訊聚會」功能來進行（逐擺聚會限十儂以內）。參加个儂愛有 Google 个口座（免費申請使用）、寬頻網路、網路攝影機、耳機mài-kuh等設備。

五、透過研讀台語古文獻，來挽救直透流失个台語詞佮表達法，將作品內底个優美詞句khong出來，咱逐禮拜來做「造句練習」个作業，交流分享。

(2012-09-19 facebook)