Sêng-gú-chi̍p 个原作者林祥雲佮頭序作者陳延齡兩位先生，攏是日本時代早期台南長老教會學校个漢文先生，林先生閣是清朝个秀才。怹無排斥台語白話佮羅馬字，真無簡單。現時一寡受華語白話文教育大漢个台灣儂，看袂起台語羅馬字，認為彼無水準、無夠額來寫台語、是姑不而將才用个無完備个表音字，彼攏是成見。
純表音字卻然無完備，總是漢字表音功能太差，仝款無完備，愈無才調忠實記錄、保存咱豐富个口語。只是逐家用久，才認同伊爾爾。其實北京口語演變到現代華語漢字白話文，犧牲著足濟北京話精彩个語詞，因為漢字毋知按怎寫。
現代華文大作家，講是咧寫白話文，其實攏嘛偷用古冊內个一大堆文言詞，用虛華个漢字來編織高級白話文學个幻覺，根本是欺騙社會。毋但按呢，怹掌握著教育權了後，閣堅持叫學生囡仔讀古文，學生个作文內底用愈濟文言成語佮語詞个，分數就愈峘；怹閣幫助統治者來對人民進行洗腦教育，培養順民。
漢文古經典有袂少好文詞、好思想，對我來講，親像基督聖經仝款，是後世个儂利用這來滿足私慾。
我嘛無反對吸收古文詞入來白話文，但是愛有白話本身个主體性佇咧。
論到按怎才有白話文个主體性，咱通閣三思[sàm-su。
(2012-09-24 facebook)
Comments powered by Disqus.