播揚理念，著愛有網路禮儀

本文

有一位熱心个台語文界先進，真愛佇別儂發表个面冊訊息下底，用留言个方式貼出伊个高見佮資料連結。

雖然伊个內容本身真充實、有意義，毋過伊毋是針對主儂个內容咧回應，來佮主儂互動討論，是利用儂个版面，做伊講家己想欲發表个意見。即種行為毋是合宜个網路禮儀，會引起儂个反感，顛倒是一種反宣傳。

看著即幾年馬政府種種橫柴夯入灶个施政，咱應該有一項覺醒，閣較好个「柴」，若無照步來，就無應該「夯入灶」；若無程序正義，就無實質正義。

欲佇社群網站播揚咱个理念，也著照起工，符合網路禮儀，才會順利圓滿。

---

面冊網誌留言

謝素娥
潘老師講了誠好