改編數字囡仔歌

一--个炒米芳，阿九坐位歹年冬。
二--个炒韭菜，阿九美國伊上愛。
三--个沖沖滾，阿九經濟亂亂phún。
四--个炒米粉，阿九媠面愛抹粉。
五--个五將軍，阿九卜共阿六(la̍k)分。
六--个好囝孫，阿六(la̍k)請伊去食phun。
七--个分一半，阿九政見濫糝tsuànn。
八--个緊來看，阿九法院烏白判。
九--个九嬸婆，阿九專生美國婆。
十--个挵大鑼，人民艱苦蟯蟯(ngia̍uh-ngia̍uh)趖。
扑汝九(káu)，扑汝萬，扑汝一兆過九萬。
看汝卜走抑毋走，毋走閣再扑。

It--ê tshá bí-phang, A-kiú tsē-uī pháinn nî-tang.
Jī--ê tshá kú-tshài, A-kiú Bí-kok i siōng ài.
Sann--ê tshiāng-tshiāng-kún, A-kiú king-tsè luān-luān-phún.
Sì--ê tshá bí-hún, A-kiú suí-bīn ài buah-hún.
Gōo--ê gōo-tsiong-kun, A-kiú beh kā A-la̍k pun.
La̍k--ê hó kiánn-sun, A-la̍k tshiánn i khì tsia̍h-phun.
Tshit--ê pun tsi̍t-puànn, A-kiú tsìng-kiàn lām-sám tsuànn.
Peh--ê kín lâi khuànn, in khui huat-īnn oo-pe̍h phuànn.
Káu--ê káu-tsím-pô, A-kiú tsuan senn Bí-kok-pô.
Tsa̍p--ê lòng tuā-lô, jîn-bîn kan-khóo ngiāu-ngiāu-sô.
Phah lí káu, phah lí bān, phah lí tsi̍t-tiāu kuè káu-bān.
Khuànn lí beh tsáu iah m̄ tsáu, m̄ tsáu koh-tsài phah.