數字囡仔歌

一、兩(nn̄g)、三，阿扁去坐監。
四、五、六，阿扁予儂縛。
七、八、九，阿扁嗎嗎哮。
十、十一、十二，阿扁食錢走袂離。

Tsi̍t, nn̄g, sann, A-pínn khì tsē-kann.
Sì, gōo, la̍k, A-pínn hōo lâng pa̍k.
Tshit, peh, káu, A-pínn mà-mà-háu.
Tsa̍p, tsa̍p-it, tsa̍p-jī, A-pínn tsia̍h-tsînn tsáu bē lī.

禮拜一，阿九跳票閃第一。
禮拜二，阿九代誌推(the)離離。
禮拜三，阿九責任毋敢擔。
禮拜四，阿九做秀(sió)愛搬戲。
禮拜五，阿九治國全漚步。
禮拜六，阿九媠面閣次目。
禮拜日，阿九阿六(la̍k)蓋甜蜜。

Lé-pài-it, A-kiú thiàu-phiò siám tē-it.
Lé-pài-jī, A-kiú tāi-tsì the lī-lī.
Lé-pài-sann, A-kiú tsik-jīm m̄ kánn tann.
Lé-pài-sì, A-kiú tsò-sió ài puann-hì.
Lé-pài-gōo, A-kiú tī-kok tsuân àu-pōo.
Lé-pài-la̍k, A-kiú suí-bīn koh tshù-ba̍k.
Lé-pài-ji̍t, A-kiú A-la̍k kài tinn-bi̍t.

有个囝仔歌真古錐，有个真孽(gia̍t)、真刻薄(khik-po̍k)。民主時代，毋通將咱个幸福寄託蹛某乜(mih)政治人物身--上，無妨用卡刻薄个氣口(khuì-kháu)來共in責督(tsik-tok)。