日本時代个「屏東驛 Pîn-tong-ia̍h」，幼秀、藝術、清幽。
民國50年，予國民黨改建做「屏東車站」，䆀[bái]甲哭爸。 經過五十年，無變。
我講「哭爸」毋是咧歹喙罵儂，是欲對阮老爸哭講：「阿爸，是按怎汝少年時代个屏東車頭遐爾媠，到甲我即代，煞變甲遐爾䆀？咱是按怎愛予遐爾粗魯、無美感个支那儂來統治咱？」
引用「台灣記憶」網站對即張相片个說明：
『屏東火車站設置於大正2年(1914)12月，初時站名為阿猴驛，至大正9年(1920)地方改制，阿猴街改為屏東街，火車站亦改名為屏東驛，光復後由於設備不敷使用，於民國50年(1961)12月改建為今日所見鋼筋水泥造車站。』
今日个車站生做啥款？請看下一張。
仝一个地點，當今个屏東車頭，自我細漢到今，一直攏是即座㾀勢[khiap-sì]个建築。
民國五十年拆掉日本時代个媠車站，重起即个，到今仔日 102 年，經過半世紀，只有變較䆀，無較媠。因為阮細漢个時，無迄四塊大kha̋m-páng（看板），看起來較袂鑿目。
國民黨本來就是失敗閬港[làng-káng] 逃難來台灣个難民，怹佇台灣所起个公共建築，嘛攏親像難民收容所。
註：㾀勢[khiap-sì]：very ugly
Comments powered by Disqus.