有十億儂欣賞、呵咾我个作品，只有一个儂聽無

我用華文創作台灣文學，描寫阿公佮我个感情，中國中央人民廣播電台共我提去朗讀放送，得著中國十億儂个欣賞、呵咾。我光榮轉鄉里[tńg hiunn-lí]，各大媒體攏來採訪我，閣將電台節目錄音放出來予阮阿公聽，想欲問伊聽了感覺啥款。

結果，伊聽無。

這著是身為中國儂一份子个台灣儂，無上个光彩。感謝先總統 蔣公、故蔣總統、前新聞局宋局長个德政，閣有主張中國儂一定愛寫中國文个黃春明大師个教示。

 

（註：華文台灣文學大師黃春明先生反對任何形式个「純台語文」，有儂將伊个作品改寫做「全漢字台語文」，伊罵講是「不倫不類」。但是伊贊成用華文做主體，內底濫幾个仔台語詞个寫法，親像伊一向个作品按呢。）