有志

有志相伨袂孤單，搰力種作無畏寒。
文化枝葉代代湠，開花結子滿四山。

Iú-tsì sio-thīn bē koo-tuann, kut-la̍t tsìng-tsoh bô uì-kuânn.
Bûn-huà ki-hio̍h tāi-tāi thuànn, khui-hue kiat-tsí muá-sì-suann.

守護母語咱文化，含藏智慧卡峘山。
殷勤研究最高段，心頭一港活水泉。

Siú-hōo bó-gí lán bûn-huà, hâm-tsông tì-huī khah kuân suann.
In-khîn gián-kiù tsuè ko-tuānn, sim-thâu tsi̍t káng ua̍h tsuí-tsuânn.