正覺教育基金會有中共咧贊助

台灣一四界个素食店抑是廟寺內底，只要有囥善書[siān-tsu]佮民眾結緣个所在， 定定看會著「正覺教育基金會」个出版品，甚至佔甲規个冊架仔，儼然[giám-jiân] 成做𪜶个專櫃。

有才調大量印冊，免費送儂，即个基金會是按怎本錢遐粗？比「台灣佛教四大名山」 閣較厲害！

一、正覺基金會个「導師」是蕭平實，一位自稱開悟證道个在家儂。

二、正覺基金會个出版品，會得傳遍台灣、中國各地，是得著中國共產黨所經營个 「新華書店」个資金佮支持。

三、正覺个出版品、宣傳單，長期攻擊藏傳佛教，批評 Dalai Lama（達賴喇嘛） 是邪道淫僧。

四、Dalai Lama 流亡海外，長期對抗中共。

正覺基金會是按怎會予中共出大力來贊助？共產黨是無神論，中共一直咧毀佛， 哪會去支持一个學佛團體？可見正覺基金會毋是單純个佛教組織， 不過是共產黨个一支思想武器。除非是欲做研究，若只是想欲了解佛法个朋友， 上好毋通去讀正覺基金會个冊。