男女儂名用字

講到當今个世界，雖然閣有真儕不平[put-pîng]佇咧，總是，查某儂个社會地位是愈來愈峘。世出世間攏共款，出世間甚至閣卡著顯[tù-hián]。就世間法來講，即篇卜來引一个例：儂名。

往古[íng-kóo]塊表名[piáu-miâ]，查夫儂名真儕有用著「蘭、芳、春、鳳」等等个字。即馬，遮个字眼著無啥儂敢用來號查夫囡仔。顛倒轉，真儕查某儂个名，攏真陽性。

這只是粗淺个觀察，愛有卡嚴密个統計來進行性別語言學个研究。以上个想法若得著卡客觀个數據支持，扑算會凍反映出女性勢力个hùn大，iá佮男性勢力个kiu-sok。