金穗獎記錄片《軍教男兒》

引用王昭華小姐个簡介：「郭亮吟導演 / 恆春兮旁白 / 孫立人將軍成立的台灣軍士教導團 / 成員是民國17、18年次甲等體位的阿伯們 / 真實 / 精彩 / 非常讚的一部片。」這是影片个網站。

阮爸爸是17年次个，伊著是佇孫立人將軍个部隊。我查一寡資料，比對時代、『雄雄接著「歸休」个命令』，閣有五十年後才提著號做「榮譽國民證」个代誌，著是即个軍士教導團。4000外名內底，有千外名捌去日本鬥做軍機，彼阮爸爸無去。

楊燁先生个網誌引用自由時報个報導，提起「無任何福利」，是有一項啦，著是提著榮民證，若去榮總看病卡省。

迄陣立委曾永權有咧替阮爸爸怹遮个兵仔伴爭取權益，所以阮選縣長投民進黨，選立委投想欲連任个國民黨曾永權。

阮爸爸去做即號莫明其妙个兵，傷著聽覺神經轉來，一世儂受折磨。

綴「偉大的蔣公」來台灣个榮民，是框金閣包銀，台灣儂个榮民，性命毋值錢。