馬英九總統失格、現世，必須即刻落台

「性」本身毋是罪惡，「人體」也無應該是見笑个存在。總--是，對絕大多數个民族來講，平常一个成年儂佇外口活動，應該遮崁性器官，這才是得體、合宜个社會行為。

任何一个民族，只要有領導者，即个民族全體，也會用較懸个行為準則來期待怹个首領。

身為現代國家元首，身軀邊有規个團隊，開咱所納个稅金，替伊打扮穿插、修整儀態，結果猶原無才調好好仔疊衫[tha̍h-sann]穿褲、控制舉止動作，煞「一再」「無細膩」佇公開場合，露現下身[ē-sin]，咱全體國民，咁袂因為元首失察覺來歹勢？

面對即个事件，咱攏感覺歹勢个心情，這無應該予儂用「人體是自然美、也是神聖--个」即種美學觀點、自然神學个論點來否定，咱應該徛佇普遍个人類社會規範、禮儀來評判：

即種國家元首根本失格、現世[hiān-sì]！伊三番兩次，有意、無意，予咱全體國民失去尊嚴，必須即刻落台。