馬英九領眾默哀十秒鐘，閣親身出聲算秒！？

引用中共 中國新聞網：「馬英九率上萬民衆為遭菲射殺台灣漁民默哀」
『馬英九特別請在場上萬名民衆共同起立，默哀10秒鐘。大家起身，在雨中默哀，馬英九還現場數秒，氣氛莊嚴肅穆。』

一、馬英九哪會連「默哀」[bi̍k-ai] 就是恬恬無出聲來哀念 嘛毋知！？領導者 顧咧出聲算秒，欲按怎帶領現場眾儂，誠一專心來感受哀傷？唯一个解說就是，伊根本袂哀傷，對別儂完全無同理心，像機器儂仝款。

二、以前八八風災个時，伊就按呢做過，至今猶原無變，攏無儂苦勸伊？伊連即種代誌都毋知影愛改善，欲按怎改革國政？

三、看著中共新聞 竟然將即个可笑無比个畫面 形容做「現場莊嚴肅穆」，咱就發現，原來馬英九 無血無目屎，毋是伊個人个問題，恐驚是某一个大群族个問題。

四、集體默哀十秒鐘，時間傷過短，無合國際慣例以分鐘為單位。網友笑罵講，馬英九只會曉算到十，無法度啊！

咱選出即種心性明顯有障礙个儂做總統，台灣咁閣有希望？