2023-06-30日記

話頭

Jekyll local _site/ 目錄个日期是6月初7，到今已經超過三禮拜。 千幾篇文章个網站，Jekyll 著愛80幾秒才紡會出來，予我感覺懶懶， 較無動力來鋪新文章。總是，我著愛好好仔利用即个新站，重紡我家己个人生。

開始寫日記

目標：維持三個月，逐工學問有進益[tsìn-iah]，逐工寫日記， 用書寫來牽挽學習个心，免得予伊失志失力。

新格式

以後本站个鋪文內底，用斜體字顯示个語詞，是我家己新撰个台語詞。

新心態

專心為家己負責，所寫个文字無向望讀者攏看有。

讀《臺灣文獻書目解題第五種語言類》

這是洪惟仁老師个寶著 [pó-tù]，來共廈英大辭典、廈英典補編、英廈辭典、 臺日大辭典相關的部份讀讀咧，補成 [póo-tshiânn]我个講義。

面冊鋪文關係新教典查詢法

新教典提供「正規表達式」个搜揣功能。今仔日我貼出一篇文， 討論利用「正規表達式」來揣出新教典所收，陽調類（第五、七、八聲） 送氣佮無送氣聲母个字數个比例，顯示前者只有後者个三份一爾爾。

其實這嘛會使得利用新教典新提供的「聲韻調索引」去揣出來， ke真厚工就有影，總是，複雜个正規表達式，毋是一般使用者 有時間精神去學个。

講課舉例

1. 牽挽：比較教典、廈英典、台日典（線頂版vs原冊）、台灣話大詞典、教會公報幾種文獻。
2. 甘字典Lâm个漢字，有个佇網路版顯示袂出來，愛查紙本才有。
3. 新教典「聲韻調」綜合查詢vs.「正規表達式」查詢。