2023-07-07日記

講義舉例

1. 台日典詞目的變調標記，日XX

2. 台語動詞 hiàm，佇阮屏東遮，主要是指用聲音、話語驅趕，像講 hiàm狗、hiàm雞、hiàm囡仔。但是佇一寡漳腔區，「孫仔共阿公 hiàm」， 是「孫仔共阿公叫」、「孫仔叫阿公」的意思，這阮遮就袂使按呢用。

hiàm，教典列甲五个義項，其中最後一義是「開口叫人、打招呼」， 例句「阿伯來，你有喊無？」。按呢阮屏東儂看著，若無憢疑家己的台語無齊全， 就是嫌疑教典烏白寫。

查台日典 hiàm，伊有三个義項，第三義解說是「呼(よ)ぶ」，就是頂段教典 「開口叫人、打招呼」的定義。不而過，台日典有特別注明即个定義是【漳】腔。

這就是台日典寶貴、精密的一例。學台語袂使干焦查教典，不時著愛參考台日典。