2023-07-11日記

今仔日是第八屆教典初階營第三（最後）一工，我愛去教下晡个課。 倚晝我出門欲發車个時，先開正爿个車門，將重重个揹仔佮大支茶瓶 [tê-pân]囥落去正爿座，乘紲ànn較入去，將鎖匙插入去鎖匙空。 頂半身退出來，車門共伊khōng--起來个時，煞聽著 tsiu̍h 一聲， 欲閣 pian 開車門，就發現車門鎖起來矣，踅過去開駕駛座个車門， 嘛鎖咧矣。

佳哉我有 ioo-bih 个鎖匙，緊入去厝內提出來用。 即台二手車自我買過手，十幾年來，我閣毋捌真正用過即副 ioo-bih-鎖匙，會開得也算是萬幸。