學習台語
tiann
咏華提起台語 tiann 有囡仔 tshia̍k-tshia̍k-tiô 个意思，也有行路 kho̍k-kho̍k-tian 个意思。即个 tiann 个音節佇我个腦內詞庫無。
中國網絡小說中个台語
「放鴿子」是來自台語【放粉鳥 pàng-hún-tsiáu】，這是台灣即爿 「插粉鳥」（賽鴿）个一種跋繳，中國無。用 thoo-lá-kuh 將一大群參加比賽个粉鳥仔，載去遠遠个所在，到位就全部放出去， 據在𪜶飛走，遐个粉鳥家己會知影揣路轉去。 這是用來比喻司機、主辦人等，將乘客等載到半路就共儂趕趕、放放落去， 無照本底約束个行程，無負責任个行為。
起點中文網《乾坤九遁》作者：青城一片葉，第二章：
誦經完畢，青葉站起身來，拿起了卦杯，日常請安說：“弟子請安。”
說完，青葉投擲卦杯，這卦杯卻不像是往日一樣，是陰卦。
青葉不由一驚，他上次請的陰杯，還是詢問他師父是否能避開劫數。
他不由拿起了卦杯，在香上面轉了三圈，然後再一次跪在地上請問說： “師祖可是要交代弟子什麼事情，是，請賜聖卦，不是，請賜陰卦。”
《乾坤九遁》故事个地點是佇四川，作者有用著袂少四川話，伊遮寫「卦杯」 扑算也是四川話。台語是 siūnn-pue，漢字寫法幾若款，台日典寫「聖筶」， 教典寫「象桮」，也有儂用「杯」字。照彼小說來看，寫做「杯」 字毋是針對台語音个借字爾爾。
《乾坤九遁》算是網路小說當中少數較正派个。
七月19个時，就有寫講日--時毋通看消遣小說，結果到今猶是一直看， 真毋是款，明仔載的確著實行，好好仔加強日語。
學習電腦
讀一屑仔 Learning Perl 6.
生活記事
今仔日載媽媽去屏東蕭醫師遐提降血壓个藥仔。伊最近暗時血壓磅起來有較懸， 蕭醫師叫伊五點先食藥仔，六點外才量，看藥效啥款。
Comments powered by Disqus.