中華民國在台灣是難民社會

國民黨本來就是失敗閬港[làng-káng] 逃難來台灣个難民，怹佇台灣所起个公共建築，嘛攏親像難民收容所。新俗語講：「有圖有真相」，若毋信，才請參考日本時代 vs. 中華民國所起个屏東車頭相片對照。這背後个因素至少有三點：

一、怹是長期生活佇戰亂中个難民，無機會接受好个教育，尤其是美感教育。

二、　蔣總統昭示：「一年準備、兩年反攻、三年掃蕩、五年成功」，所以怹佇台灣个建設攏凊彩創創咧，暫時罔度，隨時著欲轉去大陸。

三、國民黨大小官員一層一層貪污落來，食賰个一點仔錢，才真正用佇建設。

種種因素加起來，予台灣變成難民社會。六十幾年到今，進步毋是無，真少！各方面个實質水準，有真濟甚至不如戰前（七八十年前！）个台灣抑是日本。

毋相信？我舉一例：日本時代台灣个水道水（自來水）會使生食，國民黨一來，即時污染去，袂使閣生食，這是親身經歷過，已經過身个微生物學博士，成大醫學院創辦人黃崑巖教授，佇伊冊裡留落來个見證。到今仔日嘛是閣按呢，家家戶戶攏著開錢牽濾水設備，抑是另外去買水，閣愛煮予滾過，才敢食。

尤其是最近五年，急速咧退步，因為馬英九要緊欲將台灣个血 欶[suh]予焦焦(乾乾)，了後交予中共接收。