（我這篇的台語漢字，遵趁教育部推薦用字，因為先發表佇別位）我對新竹老冊店「竹林書局」印行的《從善改惡新歌》（中研院網路版），摘[tiah]出呂柳仙唱的勸世歌彼部份的句讀[kù-tāu]（有一寡語 詞、虛字有出入）。因為歌仔冊無啥物版權概念，逐家抄來抄去，改來改去。竹林版的，有加添袂少頭家家己編作的內容，佇遮我無收。方便予各位對照來聽呂柳仙的勸世歌（連結網頁的歌詞用字真凊彩，尤其是解說真濟錯誤），通按照推薦用字佮台羅音標重新整理這寡非常寶貴的台語文化資產。
勸世歌內底的台灣話，正港是一流媠，雅氣閣深遠，你若讀有通[thong]，你的台語就毋是現時一般台灣人彼種鹹tok-tok、𠕇khok-khok的低路台語矣。
網路版內底有寡字佮紙本原版有出入，我揣無我的紙本通對，各位毋通傷執訣[tsip-kuat]，以下只是參考用的。咱愛靠家己的耳仔去判斷。
------
- 這款善歌真希罕 專廣做人在世間 人有真肴真咸萬 俗語所廣為人難
- 世界情理都淺淺 幾年中間就變遷 兮得改惡來從善 一日無事小神仙
- 廣甲當今兮世界 鳥為食亡人為財 想真做人著海海 死從何去生何來
- 咱來出世無半項 返去雙手又空空 帶這世間那眠夢 死了江山讓別人
- 有个出世有家伙 兄弟無量起冤家 想真做人那人客 返去江山別人个
- 做人不通想〇〇 咱來世間無幾年 人那卜死目一爾 萬事免甲人相爭
- 心肝一人想一款 海是上深天上高 富貴干苦免哀怨 莫非這是前世冤
- 世情是我看上透 奸雄兮人不通交 勸恁朋友幼共老 春錢是命免人肴
- 世間富戶撻撻鄭 敢是肴人塊春錢 命呆看汝外肴變 肴人治塊撻壁邊
- 袂來出世命先註 有个土公甲罔夫 簡兮好額錢靴有 肴人姫加做軍師
- 萬般是人兮命運 不是人肴錢姫春 咸慢不煞免食困 有人春姫歸億銀
- 這條情理來皆評 干苦富貴命生成 命呆看汝外肴炳 註姫萬世袂超生
- 世情是我看上現 先勸老輩甲少年 看人富貴免欣善 人廣恨命莫怨天
- 天下兮人港千萬 領憑出世來世間 也有出世姫免趁 有个度日都為難
- 世間兮人無塊比 恨咱當初落塗時 呆命干苦磨甲死 富貴差𡢃甲駛兒
- 當今世界廣袂盡 富貴由命不由人 有人勸我我勸恁 咱來出世有領憑
- 命中八字有輕重 飛天卦角無彩工 有个咸慢無半項 公侯將相也是人
- 不是才情伊有泡 這是命中有爭差 那有開化免人教 平平雙手二枝腳
- 平平雙腳一雙手 富貴二字難得求 干苦兮人恰長壽 前世做來今世收
- 命中好呆免相箭 咱即干苦人有錢 求那平安無破病 人廣富貴由在天
- 好呆無塊通比評 自恨閻王無公平 干苦富貴三不等 有人塊睏媽祖宮
- 注生娘娘註好好 夯刀來削都袂無 未前註食先註餓 由在天地去伐落
- 莫非也是八字命 改勸世人大家聽 有人出世富貴子 食老即落乞食營
- 一半也是命登帶 榮華富貴天推排 不信斟酌想看覓 姫食到老即兮知
- 有个少年食袂老 非為作歹做過頭 敢無家伙那銅斗 卜了親像放水流
- 無食到老不知影 勸恁朋友弟共兄 干苦富貴自恨命 虎死留皮人留名
- 注生婆者無公平 代先註死即註生 人个尾鰍看不見 圓人兮扁扁兮圓
- 牛就快牽人奧料 無福趁錢居袂條 有通食穿好了了 萬般為姫腹肚飫
- 不通卜食不珍動 誤了青春一世人 無大無小通映望 身苦病痛吪救人
- 人無千日兮勇壯 人講花無百日紅 骨力敢兮奉笑戇 卜食不趁真不通
- 做人得確姫炳變 勤趁無論多少錢 有時身體那破病 即免龜人腳腿邊
- 勸人心肝姫哲套 人無幾年通奔波 有通食用免煩惱 閻王注定實難逃
- 世情是我看上闊 有通食穿免箱磨 富貴艱苦到死煞 平平過日敢有絕
- 一个有錢不甘用 有人袂趁用代先 儉乎別人諫公景 乎伊有錢真不明
- 有錢不用真無彩 無錢卜用上大玳 儉食忍寒可憐代 放乎子孫看活開
- 有个敢無真富戶 好額家伙講萬租 出門衫褲密密補 出世世間做錢奴
- 親像這款真可惜 食袂無飽穿無燒 有錢顛倒奉愛笑 儉食忍寒真不姫
- 世間錢銀是好寶 免驚目弟奉看無 有錢使鬼能挨磨 亦通買人打〇〇
- 在人心肝塊豫算 有錢兮人恰限旋 欺貧重富百百款 姫留名聲人流傳
- 有人欺貧甲重富 世間無錢姫恰輸 錦上添花人人有 雪中送炭世間無
- 貧在路邊無人認 富在深山有遠親 父子都是錢要緊 無錢目弟人看輕
- 淺淺理由來皆論 父子為錢都輕分 卜死姫留破病本 免放箱多乎子孫
- 列位有榮聽我講 袂須勸善聽歸冬 父母恩情是真重 伊來生咱咱生人
- 父母生子世傳世 世情看透無幾个 有子人講有後繼 即免落人嘴唇皮
- 無子亦是真苦疼 目啁有看外多人 生姫好子即有望 呆子多个無彩工
- 人廣好子不免多 呆子多个討連回 自己頭路無愛做 飫來飽去塊遊街
- 那甲好子免多个 呆子萬牛相挨梯 莫非也是相欠債 害因老父磨老皮
- 父母飼子無論飯 望卜親像頭毛長 無疑呆子那孵卵 祖家設治監牢門
- 大家心肝那明籠 虧心暗倖先不通 政府掠姫罪真重 姫去監獄做犯人
- 勸人心肝姫正道 奸雄絕對罪難逃 那是少年有做錯 改惡從善事就無
- 在人心肝兮志氣 山是可改性難移 有个家內赤甲死 不義錢財無愛碟
- 一人一款兮形相 世間兮人有奸忠 甲因父母都無諒 乎伊兮好天不從
- 有人一生盡忠義 富而無怨貧無欺 甘願度苦過日子 艱苦永有出頭時
- 做人奸雄無路用 只世搶人後世還 善惡到頭有報應 遠在千里近目前
- 道德二字為根本 父子無情絕五倫 後日老來那失運 愛卜食飯艱苦吞
- 能做兄弟如手足 父母恩情想養育 做人有照爸媽約 日後即有好結局
- 勸恁朋友姫做好 世間暫時來〇〇 時刻那到念乜倒 江山某子半項無
- 代先勸恁老兄弟 那有三子共五兒 小漢應當姫教示 長大成人由在伊
- 有个示大想無到 子兒亂來廣伊肴 飼大即乎子不孝 養育功勞放水流
- 子兒不通箱過愛 小漢乎伊亂亂來 別日長成即知害 乎伊不孝合英皆
- 做人示大姫打韃 子兒不孝上食力 無彩心神用一札 飼子不孝上不達
- 得姫好子是德倖 識父識母自然生 箱過束縛無路用 前世冤孽注明明
- 人那失敗無頭腦 心肝想甲亂抄抄 勸人都也免計教 莫非命運做對頭
- 做人咱姫顧信用 心肝不通箱奸雄 錢那入手不免暢 君子失敗都平常
- 這歌改勸眾朋友 來做父子是冤仇 好呆子兒免瓊究 一旦無常萬事休
- 勸恁父母姫有孝 淫朋賭友不通交 有趁姫緊娶家後 通送父母上山頭
Comments powered by Disqus.