北京話過台灣

北京話過台灣，有个成分lak無去。這牽涉著至少兩點。

一點是塊huānn「國語文」教育的一寡頭儂，北京話無的確是伊个母語，姻編出來个國語教材，著攏講「我們」，袂曉講「咱們」。害甲目今个台灣囡仔，毋但華語干那講【我們】，無【咱們】，連台語个「阮」佮「咱」to袂曉分。

閣一點著是一般台灣儂學袂起來，所以毋但社會袂時行，久--來，正式个教育嘛歸氣放棄無教矣。像捲舌音佇社會無啥有，正式教育是閣有強調；毋閣【兒化韻】即種个，正式个國民教育著將就準過矣；抑若輕聲「子」个高低變化，彼只有佇大學修「國音學」个儂才有機會聽著老師講起，竟然有即種物件！