《台灣風俗誌》

日本時代蹛佇台南个片岡巖先生，佇 1921 年出版《台灣風俗誌》 全集，內文計共 1184頁，內底分做十二集，另外有附錄。文圖並茂，雖然是日文冊，但是有大量台語文化語詞佮語料，邊=仔閣有假名式標音，但是無記聲調。

第一集：台灣儂个「出世、結婚、喪禮、節日、生活起居」。

第二集：台灣儂个「厝宅、服裝、布料、頭鬃、裝飾品、縛跤佮其他、食物、雜業、產業具」。

第三集：台灣儂个「善良風俗、階級、乞食、花柳界、戲劇、武術家、私刑、賣身、養子、結拜、禮帖、筵席[iân-sia̍h]、店號、新居、日用文字」。

第四集：台灣儂个「音樂、雜念」。

第五集：台灣儂个「大儂遊戲、囡仔遊戲、大儂謎[bī]、囡仔謎[bī]、盤喙錦[puânn-tshuì-gím]」

第六集：台灣儂个「笑詼、講古、囡仔古」。

第七集：台灣怪談。

第八集：台灣俚諺、台日俚諺對譯、台灣原民傳說（蕃人の口碑）。

第九集：台灣儂對自然現象、靈魂、鬼怪个觀念佮迷信。

第十集：台灣个巫術、驅邪招福、師傅儂佮普通儂个符咒、身心異狀个迷信、事物个迷信。

第十一集：台灣个儒教、佛教、道教、食菜儂、基督教、神明會、宗教設施、監囚[kann-siû]个宗教心理、「生蕃」个神明、支那古代个教觀念。

第十二集：台灣个反亂。

附錄：台灣个植物、動物、礦物。

---以上---

2011年个時，有儂將其中第二集內底兩頁个「粗口」貼上網，最近閣有儂四界轉貼。假使咱現代台灣儂个頭腦精神，對台灣个語言文化，只關心相罵个歹喙話，也就是台語文化只賰 1184分之2 予「鄉民」有興趣，按呢台灣話閣有啥希望？