面冊社團「臺灣話資料交流所」有一位社員 Z.T. 先生提出四點意見，以下是頭兩點：
研究台語應該認識漢字文字學
1，台語/廈門話可能是承傳古商代的古詞彙最多的現代漢語的一支語言。 漢字發展自表意的商代甲骨文，因此台語與漢字有關連， 研究者必須具備初步的文字學知識。
2，我當一個非專業的台語硏究者，反對固執「專家」的誤導。 如台語 /tsia1/ , /tsiah8/ 字是「吃」。「吃」是「喫」的簡字，與「口吃」 （英文statter) 無關。今天讀到張大春的著作有同樣見解。同義複合詞 （tautomaric compound words) 「吃食」不是「食食」，中國學者李如龍的論文不正確， 故音韻學家固執也不可盲從。
伊个意思是講台語「tsia̍h-si̍t」正確个漢字是「吃食」，毋是「食食」， 咱無應該盲從[bông-tsiông]固執个音韻學家。
我有共伊留言講：
Z.T. 先生開宗明義第一條就寫講台語傳承真濟商代詞彙，商代使用甲骨文， 所以研究台語著愛了解文字學。
若論到主張台語傳自商代語言，而且閣精通文字學个老前輩，當然就是陳冠學老先生。 伊著作等身，其中就包括《象形文字》(1979三版) 佮《臺語之古老與古典》(1984改訂版)， 即兩本冊我幾十年前有讀過，今[tann]閣搜[tshiau]出來確認， 佇後者 p.49 有發現伊是用「吃食」來寫台語 tsia̍h-si̍t。 這可能就是 Zun Tan 先生認為台語 “tsia̍h” 正字是「吃」个由來。
不而過，咱查陳冠學先生晚年遺作《高階標準臺語字典》上冊(2007) p.190-1 「吃」字目，伊只標兩音 Kit 佮 Kiat。
【吃 Kit】有兩義：1. 語病。2. 笑聲。
【吃 Kiat】（伊註「同喫字」）解說有講：「飢餓大量吞食的動作，臺語叫做吃， 北語以為普通進食的動作，語義有很大的差距。（中略）。當以臺語為正。」
原來咱台語講「一睏 kiat 幾落碗」个 kiat，陳冠學先生認為就是「吃」字。 若是北語寫「吃」字來表示普通進食的動作（也就是台語所講 “tsia̍h” 个意思） 是「不正」个用法！
陳冠學先生 天不假年，伊歸仙進前，無機會完成即部字典个下冊， 上冊只寫到四畫个部首，無寫到「食」字部。但是對頂面引文來分析， 咱百面會使確定，陳冠學先生晚年个時，反對用「吃」字來寫台語个 “tsia̍h”。
結果伊共我應講：「我曾與故陳冠學先輩通訊。他對我說：你研究台語我放心。」
我寫：「先生主張 tsiah8 正字是「吃」即點也有得著陳冠學先生个認可？」
伊寫：「Yes sir. He told me from his tomb to my dream?」
我最後應講：「用託夢个代誌來證明家己个主張，按呢我也無話通講矣。先生汝請。」
Comments powered by Disqus.