國民黨號台灣路名

中國儂真愛罵儂講：『滿嘴仁義道德，一肚子男盜女娼』，國民黨高層統治者，即種人物特別濟。毋但按呢，怹來霸佔台灣，大小城市，上大條个街路，迵[thàng]火車頭个直路，著號做中正路；橫个大路著號做中山路。其他著號啥乜忠孝、仁愛、信義……，閣將中國三十四省（除了台灣）个地名凊彩、濫糝提來號名大小街路，予儂完全捎[sa]無方向。

連阮屏東萬丹庄跤所在，解嚴了後，猶原毋肯採用在地个開拓歷史、生活記持[tî]，來號路名，煞閣咧號啥乜「忠孝西路」即種假仁假義个名。阮鄉親著譬相[phì-siùnn]講：共阮號做「總痟死路 tsóng-siáu sí-lōo」，有夠厭氣！