念佛个因緣

我重考大學迄年，先去山裡隱遁[ún-tūn]，讀王陽明《傳習錄》[Thuân-si̍p-lio̍k]。

佇金剛寺廟裡，儂客咧開講，提起「水果師 Tsuí-kó-sai」个名。我恬恬佇邊--仔聽見，無出聲，當下一念，是感覺即个名足倯[sông]，完全無敬意，完全無想欲去瞭解是按怎儂會按呢稱呼伊。

落山了後，繼續食菜、補習、考椆政大，佇校園內流浪三、四年，有一暗心頭鬱悶，peh起去公寓樓尾鐵厝，去揣一个佇素食店熟似个別系學長，袂記得共伊講啥，伊嘛無應啥，只是提一本薄薄个《廣欽老和尚開示錄》予我。

我讀了，人生才閣進入另外一个階段。