時鐘个〔長短針〕台語有講「緊慢針」

時鐘、時表仔个〔長短針〕（華語），台語有講「緊慢針 kín-bān-tsiam」。

按呢講足讚！分鐘用長針，小時用短針，只是一種習慣，無一定愛按呢，咱嘛會凍用粗幼、色水等等來分別。但是分針定著行較緊，時針定著行較慢，所以叫做「緊慢針」非常鬥搭。

例句：「即粒手表仔个緊慢針，設計了無理想，時間看袂明。」

對即个小小个例，咱也通看出，干焦會曉一種話、一種講法个儂，真不幸，因為伊失去真濟機會，袂凍透過無仝語言个無仝表達法，用無仝款个眼光來看待即个世界。

講出「語言只是溝通个工具」即種理由，來消滅弱勢語言，觀念真膚淺，作為真可惡。