林益世、薄熙來 仝一國

共產黨薄熙來[Po̍h Hi-lâi]、國民黨林益世[Lîm ik-sè]，一个hông軟禁；一个關落監[kuainn lo̍h kann]。一方面怹攏仝款是腐敗政黨內部權力鬥爭个失敗者；一方面怹兩个，腐敗个程度也有拼[pinn/penn]。

怹最後予儂kho̍k--起來進前，攏閣足囂俳[hiau-pai]，佇媒體鏡頭前滿面春風。

薄熙來包飼女明星所開个幾若億人民幣對伊來講，只是零星仔[lân-san-á]爾爾[niā-niā]。

林益世共陳啟祥敲油[khà-iû]个6300萬，只是伊舞政治所食个肉幼仔爾爾。遐个錢 兩年前 老早就紮出國「洗」去矣。壓霸个林益世敢叫無聽話个海關課長過來罰徛，伊毋敢紮美金出去？現此時檢方扣押个現金，金額鬥袂起來，應該攏是伊閣對別位歪哥來个。

------

陳啟祥尻脊後若無靠山，伊敢去抓[jiàu]林益世？咁講伊以後無愛閣做公營事業个生理矣？

林益世食錢案，緊縒慢[kín-tsua̍h-bān]會露現出「吳朱鬥爭，搶做總統」个內情。