漢光演習連紲四年，無看見統帥儂影

一个國家(?)總統(?) 無惜千里个路途，走去友邦佮儂比賽夯[giâ]米袋、耍[sńg] tiuh-tiuh球、趴地托身[phak-tē thuh-sin]。這成何體統？咁袂傷幼稚？

伊身為三軍統帥[thóng-suè]，就任總統幾年來，從來毋捌按照過去總統該有个做法，來參加國軍上重要个漢光演習。今年閣愈譀古[hàm-kóo]，演習个期間，統帥無坐鎮[tsō-tìn]佇國內指揮，煞走去非洲變把戲。

伊到底有將中華民國國軍看在眼內--無？中華民國到底閣有國防--無？政府一再宣示「演習視同作戰」，統帥四年攏無看見儂影，是欲戰猴？

689萬儂 愛伊即套，汝是有伊法？

註：【伏地挺身】，阮做兵个時，聽逐家叫做「托體能 thuh-thé-lîng]。即種講法tshinn-tshioh有力，是真好个生活用語；但是我想，咱另外閣設一个卡正式閣明確个用語嘛是好。過去有一種講法是「豹形健身 pà-hîng kiān-sin、豹腰健身 pà-io kiān-sin」，我感覺比喻了無夠明確。不而過，英語嘛是講 push-ups 爾爾，嘛是無明確。重點就是愛用台語來講，按怎講攏好啦！