出處：Spoken Amoy Hokkien, by Nocholas Cleaveland Bodman, 1958 佇馬來西亞吉隆坡出版，有兩冊。可惜版權無開放，所以佇網路看袂著全冊。伊所用个羅馬字，佮主流个教會羅馬字無啥仝。
〈高啡店內个閒談〉
（coffee，怹講 ko-pi（高啡），毋是 ka-pi（咖啡）。唸本調个字後壁加 + 號，若是佇標點符號前个本調字，就無加。怹个口，代名詞主詞往往唸本調，佮台灣無仝。「鐳 lui」本是指銀角仔，東南亞个福建儂常在用 lui 表示「錢」个意思。）
1. 近來+ 生理+ 啥款？
2. 真淡。
3. 汝个生理+ 有予樹ni+ 佮錫+ 个價錢+ 影響+ 無？
4. 自然有。逐个儂+ 攏 siāng款，佇即爿，無論汝是乞食+ á是資本家，逐个儂+ 攏著倚靠樹ni+ 佮錫。汝+ 講著+ 無？
5. 無錯。煩惱+ 無路用。將來+ 情形+ 大概+ 會較好。
6. 閣食一杯茶。雖然目前+ 个情形+ 無偌好，生活程度+ 卻袂真低。
7. 是+ 喔，不過聽講有真濟儂+ 無工+ 做。
8. 汝+ 个朋友+ 王+个 个生理當今+ 怎樣？
9. 汝+ 是講迄个做運輸生理+ 个王+个，抑毋是？
10. 是。我+ 想+ 伊即陣+ 定著趁真濟錢。
11. 是喔。伊bā-lú來南洋+ 个時，真無空。我+ 會記得伊佇 Bā-tú-lu̍t+ 做小販[siáu-huàn]，賣掃帚。伊即陣+ 遮有錢，我+ 想+ 敢[kánn]是著彩票。（bā-lú 來自馬來話，「拄開始」）
12. 檢彩。看報紙，tsiah久+ 有講起真濟即爿+ 獨立+个代誌，汝个看法，怎樣？
13. 我無 phah-liu-li 政治。我若會過得，有平安，就好。
14. 總是汝+ 是馬來亞+ 个公民，汝+ 有公民權，汝+ 袂使無關心政治。下禮拜+ 欲選舉地方議會。汝+ 欲投什乜儂+ 个票？（汝+ 欲選什乜儂？）
15. 我+ 拄拄共汝講我+ 無 phah-liu-li 政治，因為我+ 什乜政黨+ 攏無 su-kah（來自馬來話，「佮意」）。
16. 有影。張福明+ 欲佮伊个某+ 離婚，汝+ 有聽講+ 無？
17. 毋知+ 咧。什乜毋著？
18. 有儂講伊个某+ 佮刣豬+个 楊Hua-hîn+ 有關係。毋知有影+ 無。若有，也無奇怪。
19. 我+ 頂禮拜+ 佇金龍菜館+ 拄著楊+个，伊無講起。伊是一个怪儂。我+ 袂相信+ 伊。伊逐擺笑笑，佮汝 hn̄g+啊hōnn啊。伊大概+ 欲娶張+个 个某，因為怹兜+ 真有鐳[lui]。
20. 敢[kánn]會按呢。汝+ 下昏+ 有閒+ 無？汝+ 欲來阮兜+ 食便飯+ 毋？
21. 感謝。我+ 幾點+ 來？
22. 據在汝，總是毋通傷晏。𤆬汝个太太+ 來，咱+ 扑規圈麻雀。
23. 我+ 無愛跋筊。我+ 驚輸錢。不過+ 我+ iáu su-kah 麻雀，若無跋傷大，就會使+ 得。
24. Eh，汝+ 有聽講羅狄+ 个某+ 頂禮拜+ 雙生+ 無？
25. 有影？伊即陣+ 的確有一lô囡仔+ 啦。（lô 語源是 dozen，12个一打）
26. 我+ 想+ 羅+个 攏總+ 有十个。較濟+ 是第二某+ 生+个。伊个所費+ 敢[kánn]真僫直。
27. 有个囡仔+ 已經大漢，會趁鐳+ 啦。伊个大囝+ 光崇+ 佇一間菜館+ teh做伙計。
28. 我+ 著去+ 啦。譚Tong-hîn+ 請我去大同+食點心。感謝汝个茶。再會。
Comments powered by Disqus.