真歡喜熟視汝

下昏暗，Bíchhin來訪問洪老師，我負責接送。結束，佇火車頭門口予伊落車，我對伊講：「真歡喜熟視[si̍k-sāi]=汝」。「喜」--字我有變調。

按呢，咁毋是真正常个講法？毋閣，隨出喙，我隨感覺各樣[koh-iūnn]。轉--來，閣想--一--下：若是講「真歡喜#熟視=汝」咧？按呢敢[kánn]像是「真歡喜#，會凍熟視=汝」个省話，嘛會使當做是將「熟視=汝 真歡喜#」个「真歡喜」徙[suá]去句頭「主題化」(topicalization)。這是佇已經熟視對方以後，表達出面對即个新事實个心情。

若是像頭前迄種「喜」變調个講法，袂輸是對iáu未發生个代志塊期待个心情，「歡喜」佇遮，宛然是文言詞个「樂於」。

先記咧，才閣寬寬仔[khuann-khuann-á]想。