總統馬公訓詞

總統馬公訓詞：

【我們要做一個堂堂正正的中國人
　你們要做一個溫溫馴馴的台灣番
　我會把你當人看，要好好的把你教育，好好的提供機會給你。】

反核个攏是台灣番，佇馬英九心目中根本毋是儂，所以伊對核能政策才會講：『我們的感覺是當時並沒有引起任何人的反對，因此我們還是會照這個方式來做』。

後來民間發起「我是人，我反核」運動，馬英九嘛攏無看在眼內。最近藍血个貴夫人出來憢疑核能安全，伊才開始袂放心。

即馬國民黨開始講核四會使考慮公投，但是公投袂使縛大選。若縛大選，都無可能通過公投廢核；無縛大選，閣愈無可能通過。

閣加了幾落億，公投辦辦咧，將反核團體个氣力消耗[siau-môo]掉，了後核四順利一直追加預算，永遠起袂好，起到台灣破產，國民黨眾儂卯--死，才予阿共仔接收台灣。

註：「消耗」正音是 siau-hònn，但是日本時代吸收即个日語詞以來，台灣慣勢唸 siau-môo。