「袍」--字个台語音

一、彙音妙悟所記，比較方言了後，該當歸陰去 phàu。伊有標明「土解」，例詞「袍掛」，可見伊認定是生活用語。伊另外收 pôo，該屬文音。

二、甘字典有收 Pâu、phàu、pôo。

三、當代泉州音字𢑥个符號 bo2、pao5 轉做台羅該當是 pôo（龍袍、黃袍加身）、phàu（旗袍）。

四、台日典一堆「袍」个詞，除了「龍袍」有 phàu、pâu(文)、pôo(文) 三音，其餘攏唸 phàu。

五、閩南方言大詞典 收 pôo、phâu，閣收廈泉俗音 phàu。

五、tann我將 phàu 定位做民間通行足久个俗音，可能是佮「砲」形倚音縒个結果。

六、新出个閩方典、教育部辭典 phâu 欠來歷，恐驚是綴北京華語个。

七、袍，並母豪韻平聲，豪韻多數字文音唸 -o（泉腔 -oo），但是「抱」文音 -au。 八、結論：袍，照閩台語傳統，泉文 pôo、漳文 pâu、不分漳泉俗音 phàu。文音合中古音，俗音卡無合，雖然集韻有收「薄報切、音暴」[pō]，猶原佮 phàu 差一khuì。