台灣講華語个外務 時行个話母：
一、〔這個部份來講的話〕
二、〔做一個〇〇的動作〕
例句：
一、〔這個部份來講的話，我們會到現場來做一個了解的動作。〕
二、〔這個部份來講的話，我正在努力賺錢，當我存滿了第一桶金，就會跟她做一個求婚的動作。〕
奉勸台文界諸君，毋通學華語講「若是……个話[ê uē]，就……」。
文例：毋免講「即種魚，若是欲掠--伊个話，就愛去外海」，盡量講「即種魚，欲掠 愛去外海」。
台語哪講哪lo-thi，這是䆀現象。咱著精煉台語，透過台文讀寫个教育，恢復簡明有力个活語言。
以下是蕭藤村老師佇 Facebook 看我以上所寫了後，佇社團「台灣話資料交流所」所做个補充：
臺灣話講「……的話」是指「……的話語」。
華語講「……的話」大部分是指一種「假使……」的情形，咱呣通學。
「假使……」的情形，臺灣話是講：
「比在……」「比在臺灣人的頭人攏愛徛山頭，臺灣人就𣍐出頭。」
「如果……」「如果傷偏重字典，會跋落去字典編者的山頭造字陷阱內底，」
「若卜是……」「若卜是愛相罵，就呣通相諍。」
「若是……」「有人開喙合喙拚生死，若是拄著代誌走去覕。」
「若準……」「若準咱呰世人是完結篇，但願來世會當成做鴛鴦佮汝相隨。」
「假使……」「假使食醋起痞面，真像皇帝斬奸臣。」
「假使……」「假使講人生像舞臺，我希望家己是一个笑科劇的丑仔。」
「假若……」「假若卜建立一个無家己的文化、無家己的尊嚴、無獨立的精神…。」
「設使……」「設使汝的正目致𢓜汝犯罪，就著搤㧒捔。」
「換做……」「換做我若有錢，我就共所有的歌仔冊建置一座資料庫。」
「換準……」「是講……我都無錢通出國𨑨迌，卜換準我，無加共問一下仔較斟酌咧，那會和盤啦。」
「準若……」「準若你飼--我，我的生活就若像充滿著光迄一般。」
「準做……」「準做無人祝福，上無嘛呣好予人咒懺」；「將來萬一準做有一日，台灣予人出賣…」
好哩佳哉，共七千外條臺灣話流行歌「……的話」窮[khing5]出來，獨獨「這美麗的愛情若消失的話，按怎活？」是指「假使……」的情形，益有的[iau9--e5]是指「……的話語」，
1. （女）你講你要甲阮約會，準備好對阮講出心內的話，
2. （女）啊！阮會記著你的話，
3. （女）聽你一句愛阮的話，心內燒燒，
4. （合）今夜所講的話，
5. （男）心內想欲講的話，有甜有苦有體會，
6. 〈阿母的話〉
7. 〈祖母的話〉
8. 一句一句想袂對你講的話，無奈全部會吞落腹肚底，
9. 一句心內的話，一路依依難捨，
10. 一句秘密的話一直歹勢放惦心肝裡，
11. 一句愛妳是真是假，攏妳的話，
12. 一字一句的話，刺痛阮心肝，
13. 一字一句驚天動地，傷人的話寫甲呢乾脆，
14. 一時不知，要安怎回答你？斷情的話你開嘴，
15. 一時將所有要講的話，攏總吞落去，
16. 一張一張寄袂出去的批，裡面全部有想袂對你講的話，
17. 一桶汽油，一支蕃仔火，那只是電視裡面講的話，
18. 三年前咱約束的話，
19. 也已經變作欺騙我的話，付出的情難收回，
20. 山盟甲海誓，是你親嘴講的話，
21. 山盟海誓的話，
22. 不甘你走，還有很多很多的話，還沒對你說出口，
23. 不是信抹過你所講的話，
24. 不敢講出甜蜜的話，你哪也抹娶，
25. 不應該講出那句傷你的話，
26. 今夜的燒酒，參著你講的話害阮傷心哭歸瞑，
27. 今夜的燒酒，參著你講的話害阮傷心醉歸瞑，
28. 內心的話望你知影，希望你返來身邊作陣行，
29. 六十年前的一張批，是伊尪乎伊最後的話，
30. 尹的話，給阮越聽越傷悲，
31. 心內的話，若無講誰會知？希望你來講坦白，
32. 心內的話，無人知，再會啦再會啦！
33. 心內的話，無需要對誰人提起？
34. 心內的話也有準備
35. 心內的話也剩這呢多，要講恐驚沒機會，
36. 心內的話要對叨講起？誰人瞭解阮的心情？
37. 心內的話還剩這呢多
38. 心內想欲講的話，其實有真多，
39. 心內藏著傷心的話語，也裝滿著滿滿的相思，
40. 心治咧徘徊，真正難過，等你甜蜜的話，老早就跟你飛喔！
41. 心隨風飛，因為你講出分手的話，
42. 手中寫著你講過的話
43. 父母的話挑故意攏聽無，
44. 以為你對阮講的話，攏無改變，
45. 只怪我當初太少年，才會抹堪這句講笑的話，
46. 只是一些愛你的話，不敢講出來，
47. 只是你的話，一直無坦白，
48. 叫我相信你講的話，
49. 叮嚀的話講甲歸落遍，只有再會兩字不敢講，
50. 甘是你有了新交陪，就來抹記住所講的話？
51. 甘是我擱相少年抹哮講好聽的話？
52. 甘會記咱所講的話
53. 甲心內的話講出乎我知，內面有你的笑容，
54. 白賊的話這呢濟，反背的心深無底，
55. 目屎京是唯一表達會出心內的話，
56. 交待的話著記心內，滴滴目屎，滴滴愛，
57. 再會兩字不是期待團圓，祝福的話，是阮斷腸的詩，
58. 因為我有真多真多心內的話，
59. 多情的話，宛然親像風吹，
60. 好聽的話，
61. 如今只想要聽你講一句永遠永遠的話，
62. 安慰的話攏是無情無意，只有加添阮心稀微，
63. 何時再相會？聽阮講心內的話，
64. 你甘有想起世大講的話？
65. 你的電話聽無正常的話，
66. 你將你講的話忘記了，理由是你做不到，
67. 你將你講的話放水流，愛的心早就無效，
68. 你曾對我講過的話，答應我的話，
69. 你對我說過的話沉大海
70. 你對我講過的話，你講愛我袂後悔，
71. 你講你沒娶，我沒嫁，是你夢中講的話，
72. 你講的話，放惦心底，乎阮甜蜜快樂過，
73. 你講的話我攏有聽，我嘛甘願同齊打拼，
74. 你講的話咁有影
75. 你講的話猶原，交代抹清
76. 你講過的話，親像風在飛，
77. 別人傳說的話傷害你等於傷害我
78. 希望你是真心的話
79. 我恨你，當初你講的話，攏無聽，
80. 我請你怨恨的話甲放風吹，
81. 我親愛的媽媽，叮嚀的話我謹記，
82. 男：心內的話要講乎誰聽？
83. 男：思慕你的話阮攏有準備
84. 男：當初講過的講過的講過的話，
85. 男性的山盟海誓，啊！不過是習慣講的話，
86. 那陣所講的話，所講的感情債，
87. 阮心肝內的話，
88. 阮心肝內的話，看破是永遠攏講袂清，
89. 阮甘願相信，相信你對阮講過的話當作山盟當作海誓，
90. 阮是信賴你的話，
91. 阮想要講的話你攏知，
92. 阮對你講過的話，你著要深深記在心肝底，
93. 阮講過的話攏有準算
94. 阮雖然想要信賴伊所講的話
95. 來代表我心內，千千萬萬的話，愛你愛到老，
96. 來來來捧酒一杯，對恁講著祝福的話，
97. 刺激的話，免講甲這呢厚，
98. 咀咒的話麥對阮講，己經乎你騙過一擺憨，
99. 咀咒的話麥對阮講，你講永遠對阮有信用，
100. 咒詛的話你敢大聲
101. 妳那通乎媽媽找，風是媽媽交代的話，
102. 妳的鼓勵，親像天頂的話，
103. 孤孤單單猶原是我約束的話，
104. 彼一暝月光光，咱惦河邊，你對我講出著心內的話，
105. 彼一瞑要分離，所講的話綿綿，
106. 彼時袸對你癡戀，別人的話聽麥入耳，
107. 所有你講過的話，
108. 所講的話，日子一天一天的經過，
109. 明仔在欲行叨去？心內的話也有準備，
110. 朋友苦勸的話阮將伊當作放風吹
111. 花美嘛需要有心人來寶貝，偏偏講的攏是欺騙阮的話，
112. 雨水就是你講的話，愛甲這硬斗，
113. 咱倆個恩恩愛愛的話無知，講過幾擺，
114. 恬恬為我訴出所有你心肝內的話，
115. 是勉強推辭的話
116. 是勉強推辭的話。
117. 為怎樣為怎樣相信你的話？
118. 為怎樣腦海偏偏擱再想起你的話
119. 為情為愛來立誓，甘願來受罪，等你彼句愛的話，
120. 為著一句不該講的話，
121. 相信一切，相信你愛阮的話，
122. 相信你對阮講過的話，
123. 相信你講的話，不管真假，
124. 相信咩咩我講的話你明瞭，
125. 相信誰的話，誰人有情？誰人有義？癡情人叼找？
126. 看到一件被想到妳的話，頭犛犛目屎滴，
127. 約束的話換來一場暝夢
128. 若是命運只袸傷心的話，
129. 若是青春已經無欲聽阮的話，
130. 風在吹，雨在飛，愛的話，到底去哪裡找？
131. 風是媽媽交代的話
132. 風箏啊！若是看著伊的話，
133. 真心的話，阮放惦心底，
134. 真心的話放在心肝底，
135. 祝福你的話早就寫在批內底，
136. 神聖的愛，真心的話感謝你擱再來乾一杯，
137. 笑虧的話，攏毋知恨，
138. 送你一句原諒的話，不是做未到，
139. 偎惦你身邊有這多，輕聲細語沒阮的話，
140. 啊！你彼當時對我苦勸的話，敢已經來忘記，
141. 啊！是你講的話，你甲阮愛過，
142. 啊！傷心的話，傷心的酒，我一杯又一杯，
143. 啊！傷心傷心的話，請你放置你的心肝底，
144. 啊！媽媽，你交待的話攏有聽
145. 啊！媽媽，你交待的話攏有聽，
146. 啊傷心傷心的話
147. 將心內彼句真心的話趕緊講出來乎我知，
148. 將全部愛你的話寫惦日記
149. 將阮心內的話講甲天色白
150. 情深似深的情愛，甜蜜的話藏心內，
151. 望你在社會做人正當顧著名聲，啊－－你給我著一驚，原來我的話你無聽。
152. 甜蜜的酒，歡喜的話，苦苦等待的經過，講歸暝，
153. 甜蜜的話一段又一段，
154. 甜蜜的話越來越多，無怨無悔，
155. 細漢時爸爸的話我有聽
156. 細漢時媽媽的話我不聽
157. 這句藏在心內的話對你來講出，
158. 這是千古不變的話
159. 這款的話，叫阮怎樣肯退？
160. 這嘛實在的話
161. 就來抹記得所講的話
162. 欺騙的話，詛咒的話，已經聽太多
163. 無心傷害的話，
164. 無奈的話我已經講太多
165. 無勇氣對妳講出心內的話
166. 無情的雨，無情的話，
167. 無想過彼呢多傷心的話，
168. 無意說出的話，
169. 詛咒的話等你對我講，愛呦愛呦，
170. 雲吹來燒入心裡底的話，
171. 傷心何時才會過？心內的話還剩這呢多，
172. 傷心的話，相逢的酒，一杯擱一杯，
173. 傷心的話不願講乎人來聽
174. 傷心的話請你免講，今夜的氣氛適合你我相逢，
175. 想要講的話放在心肝底，這一切一切都是誤會，
176. 想起妳講的話，只剩經過嘴的甜，
177. 想起咱較早曾講過的話，不知你干有記詳細，
178. 想起咱較早曾講過的話，不知影你干有記詳細，
179. 想起當初對你講的話，
180. 愛你愛你是我心內的話，
181. 愛阮的話是加講的，甘是注定無緣來作伙？
182. 溫柔的話我講未出嘴，並無表示阮的痴情無誠意，
183. 煞來講到這款無趣味的話
184. 當初妳的話，又擱證明什伙？
185. 當初彼句傷心的話，
186. 痴情的話，寫塊風箏乎伊飛呀飛，
187. 痴情的話講這多，阮的感情已經歹收回，
188. 過去的話變作空，
189. 像你講的話，
190. 夢內的話你甘知？你甘知？
191. 對阮講的話，嘸相信，你會傷阮這多，
192. 對妳的話是一再相信，誰知影等到最後換來感情變形？
193. 誓言只是談愛的話，不管妳相信或無，
194. 說過的話當做忘記
195. 輕聲細語的話
196. 嘸忍心來拆破妳欺騙的話，
197. 罵來罵去嘛是彼的話，講來講去日子嘛要過，
198. 誰知你講的話全是花言巧語，
199. 請你原諒我，細漢時媽媽的話我不聽，
200. 請你想詳細，不通講欺騙的話，感情路若行作伙，
201. 請你講出一句你心內尚真心的話，
202. 憨憨堅持為啥？安慰的話無法止痛，
203. 親像你詛咒的話，攏在夢中，
204. 擱再想起你的話
205. 講一句祝福的話，不甘藏置咱的腹肚底，
206. 講出阮一生一世愛你的話
207. 講出阮心內一句愛你的感情的話
208. 講出阮心內唯一的感情的話
209. 講抹出嘴的話，哪講的詳細，
210. 講抹出嘴的話，講抹出嘴的話，攏藏在心肝底，
211. 講抹出嘴的話，攏藏在心肝底，
212. 雙人的話攏是真心真意，因為你惦阮的身邊，
213. 攏是你的話，等到三更半暝，
214. 關於別人講的話，勿擱想彼多，
215. 鐵打的心刀刮的話，傷我傷加彼呢，
216. 聽你一句，抱歉的話，乎阮想未到，
217. 聽別人講的話，一句句痛入阮心肝，
218. 驚人知阮心內的話，想要等，真難過，
以下是我个回應：
一、「Beh……，就……」雖然無看著「假設詞」，但是已經有「假設」个語法作用。像「Beh我，就毋」，意思就是「如果是我，就毋肯、毋愛」。「Beh上西天，就愛食清菜、修好行」。
二、「若[nā]」單字就會用--得，是一堆假設詞个源頭。
三、「Beh是……，就……」，就是「如果是……，就……」个意思。像「Beh是我，就毋允--伊」。
這佮「poh是……」無仝，即个 "poh" 本字我認為就是「卜」，「poh是」是「真有可能是」，像問講「咁是伊做个？」，應[ìn]講「Poh是！」。即个「卜[poh]」是對「卜卦、占卜」引申來个「推測之詞」。
但是閩台傳統用字，攏用「卜」來表示 bueh/beh/berh。按呢「卜是」有時表示「beh是」，有時表示「poh是」，佇即種所在，著細膩注音來區別。
親像「繡像王抄娘新歌」：
典哥來到門口庭，
輕腳細手厝前行，
听見烏犬吠几聲，
典哥一時大着驚。
抄娘听見烏犬吠，
卜是典哥厝前行。
尾句「卜是」，唸做 poh-sī，比唸做 beh/berh-sī 意思閣較好。
Comments powered by Disqus.