青菜〔大陸妹〕个台語

華語〔萵苣〕，蓋濟餐廳寫做〔A菜〕，其實著是台語「萵仔菜 e-á-tshài」，漳腔是 ue-á-tshài，南部講 mé-á-tshài，注意第一字變調了後，是唸第一聲（本調到底是啥，愛閣稽考），網路蓋濟儂寫做「咩仔菜」。另外一種卡幼个品種是「虯mé仔」[khiû-mé-á]。

後來閣引進一種台灣華語叫做【大陸妹】个菜，其實是台語「大陸mé仔 [tāi-lio̍k-mé-á]」 因為是中國个品種，閣佮在地个「mé仔菜」生做差不多，所以按呢號。明明是台語詞，台灣煞普遍攏講華語【大陸妹】，聯想對大陸查某囡仔去，誠害。這佮「妹仔 mē-á」完全無關係，聲調嘛有差啦！mé仔菜是正港台語，「妹仔 mē-á」是學華語个新詞。

即馬閣一種新菜，華語是「美生菜、結球萵苣」，台語敢哪叫做 "mé-á-pau"，若有毋著，才請各位指正。