學習台語
看著 Tân Bêng-jîn 先生佇面冊寫一篇關係台語文學寫作个意見 （出處），轉錄佇下底：
這幾年參加各種文學評審，發現台語文學書寫，教育部漢字影響上大， 作者詞句lóng遷就教育部漢字，台語氣口bē súi！ 另外就是語法lóng是華語思考，無需要的華語連接詞使用嚴重！ 寫台語文學的作者，並無認真思考台語文法修詞。真chē作品lóng故事真好， 看kui篇lóng漢字，就知無可能台語氣口會好！Kap台語文創作者分享！ 上害的是寫漢字注羅馬拼音，iah是寫羅馬注漢字！選一項就好！ 文學作品mài koh 註解漢字iah是羅馬拼音！漢字，白話字， 台羅拼音lóng是字，免互相註解！評審者分享文友！
末學也寫一篇無仝角度个淺見。
以下是咧討論一般tik 个台文寫作，毋是針對文學作品。
我真驚看著半漢半羅个台文內底，拄著寫漢字个所在煞予我毋知台語欲按怎唸， 迄種鬱卒特別嚴重。
像台灣地名實在太濟漢字佮實際唸法差大碼个情形，大地名逐家討論久–來， 漸漸就較捌，若小地名實在捌袂透。
若欲干焦寫漢字，外地儂往往唸毋著（連阮遮个大地名「萬巒、山地門」， 中北部个台語文界个朋友真濟攏袂曉唸，阮在地是講 Bân-bân、Suann-ti-mn̂g）； 若欲干焦寫羅馬字，讀者閣無法度照這羅馬字上網搜揣即个所在相關个資訊。
儂名嘛有仝款問題。所以像專有名詞有時只有漢字附羅馬字抑是羅馬字附漢字 才是較妥當个做法。
當然無必要所有个專有名詞攏按呢處理，總是，台文寫作者著愛較體貼讀者咧， 文白音僫決定–个、罕用–个，抑是有特別唸法个專有名詞漢字，上好著配羅馬字。
一篇文章內，仝一个名詞，第一遍出現个時，若「寫漢附羅」，後壁閣寫著， 就會使干焦寫漢字；若第一遍是「寫羅附漢」，後壁閣出現，就會使干焦寫羅馬字。 若是長篇作品，抑是規本冊，按呢上好是分章來處理。
這是台語、台文个歷史包袱。
學習日語
讀一屑仔 JapanesePod101.
學習電腦
看一屑仔 Web Dev. 教學片。
Youtube Premium 講十月起就欲對台票 179 箍起到 199 箍矣。Youtube 愈來愈無意思， 考慮退訂。
Comments powered by Disqus.