1. 前提：當今欲救台灣，只有革命。革命个簡單定義，是設法偃倒當權者，趕怹走，毋予怹閣掌權，因為咱已經對怹徹底失望，毋相信怹會改好。 2. 最近捷捷出現使用「性攻擊个話語」（就是 tshoh-kàn-kiāu）來示威，當做革命个手段之一。包括使用強勢个英語，佮弱勢个台語。 3. 佇贊成革命个儂內底，有儂感覺第 2 點算是非暴力，當然會用得。 4. 佇贊成革命个儂內底，也有儂感覺...

頂日仔借蹛佇一位清幽个民宿，四圍樹木花草種真濟。暝尾仔起來便所，看著一隻蛾仔佇房間內，翼仔無啥力，phiat8咧phiat8咧。 好心將窗仔扑開一縫仔欲予伊飛出去，伊猶原飛袂出去--無打緊，煞飛兩隻蠓仔入來。我佇即个關重个時刻，煞來起戇想，連房門嘛扑開，想欲hiam3蠓仔出去。 袂直啦！幾若十隻枵鬼蠓佇幾秒鐘內做一下傱[tsong5]入來，親像蜈蜞咬蛤[ngoo5-khi5 ka7 kap]...

台語名： 一、果子猫[kué-tsí-bâ]、白鼻心[pe̍h-phīnn-sim]、烏跤香[oo-kha-hiunn]。 二、鼢田豬[bùn-tshân-ti]、臭羶猫[tshàu-hiàn-bâ]（鼬獾） 三、貂鼠[tiau-tshí/tshú] 四、赤鼠...

去浸運泉[ūn7-tsuânn]，拄著一个四五歲个細漢囡仔。伊攏講台語，真活骨，毋驚生份。離遠遠叫怹阿爸過來浸即池，水較燒。一下斟酌看，怹老爸是欲六十个儂矣，面帶笑容，真慈愛佮怹囝互動。囡仔閣對另外一頭擛手喝講："Come on, baby!“ 原來是怹老母，歹勢歹勢，伸指指[kí-tsáinn]比喙唇，教[kah]伊毋通遐大聲。 邊仔个 ...

日本時代蹛佇台南个片岡巖先生，佇 1921 年出版《台灣風俗誌》 全集，內文計共 1184頁，內底分做十二集，另外有附錄。文圖並茂，雖然是日文冊，但是有大量台語文化語詞佮語料，邊=仔閣有假名式標音，但是無記聲調。 第一集：台灣儂个「出世、結婚、喪禮、節日、生活起居」。 第二集：台灣儂个「厝宅、服裝、布料、頭鬃、裝飾品、縛跤佮其他、食物、雜業、產業具」。 第三集：台灣儂个「善良風俗、階級、乞食...

是按怎有真濟儂 Facebook 會中毒，煞害著無辜个朋友加入一大堆糞埽社團，汝家己嘛予不滿个朋友切斷關係？ 因為袂堪得引誘[ín-iú]，歹儂用美女、笑詼、刺激性个消息、任何會唌/[siânn/]儂愛看个物件騙汝。 一開始，好奇个汝，佇 Facebook 點連結，通常閣無要緊，但是若佇連過去个網頁（抑是跳出來个對話框），閣點「讚」、「同意」、「確定」…… 按呢第二步踏落去，汝著中鏢啦！

台語教學活動舉例： 一、教完基本聲韻調，予學生了解聲母按怎鬥韻母了後，會使舉一寡押韻的話句來𤆬學生唸。閣來予怹做押韻鬥句接龍練習，規則可比講： 1. 兩人一組，我講一句，你應一句，愛講平濟字，上濟七字。 2. 意思無連貫無要緊，重點愛有押韻，無限聲調（口音韻、鼻音韻嘛會使算押韻）。 3. 相褒、抑是相激攏無要緊，但是毋通tshoh-kàn-kiāu。 4. 換你講我答。 例句：...

屏東泰武鄉葉瑋庭小姐，去中國唱歌比賽，自稱來自「中國台北屏東區」。伊是 Paiwan族，是正台灣儂，但是從來毋捌有一个正「台灣國」予伊認同。無論是中華民國，抑是中華人民共和國，攏是中國。伊欲佇即種「中國」出頭天，無按呢自稱，是欲按怎？ 我个頂一代無才調建立台灣國，我袂怪怹，因為到我一代，仝款無才調。按呢，台灣儂个下一代，為著欲有機會發揮家己个才華，自稱是中國儂，我欲按怎怪伊？

【公告：台語社 徵求共同管理志工】 各位先進，因為小弟欲轉鄉里一段期間，阮兜網路無便，袂得通時常來看頭看尾巡田水。所致著愛加徵求一、兩位共同管理志工。敬請賢者來tsōo-tsān，感恩。 甲、條件如下： 一、熟識[sio̍k-sik]台語羅馬字，來台語社慣勢寫台語文。 二、支持小弟所擬的台語社發文規定，也肯繼續照按呢執行。 三、時常（一兩日內）會來台語社版面關心。 四、佇 Facebook ...

台語十五音[si̍p-ngóo-im]「入」字頭个字，像「入 ji̍p、日 ji̍t、字 jī、二 jī、兒 jî、而 jî、……」，阮佇屏東萬丹，細漢就聽著 ji / gi 兩種變體，所以攏會慣勢，但是若聽儂講 li̍t-thâu (日頭) / siá lī (寫字)，阮萬丹囡仔儂會感覺按呢講是臭奶...