（我這篇的台語漢字，遵趁教育部推薦用字，因為先發表佇別位）我對新竹老冊店「竹林書局」印行的《從善改惡新歌》（中研院網路版），摘[tiah]出呂柳仙唱的勸世歌彼部份的句讀[kù-tāu]（有一寡語 詞、虛字有出入）。因為歌仔冊無啥物版權概念，逐家抄來抄去，改來改去。竹林版的，有加添袂少頭家家己編作的內容，佇遮我無收。方便予各位對照來聽呂柳仙的勸世歌（連結網頁的歌詞用字真凊彩，尤其...

進前我引用台灣智庫5/17个民調，講馬英九佇雲嘉南地區，嘛佇20-30歲族群，輸蔡英文上濟（參看：蔡英文佮馬英九个民調數字）。三工後馬總統就職三週年記者會，伊著專工走去台南大學舉辦演說，現拄現是欲搶救即部份个選票。結果伊是按怎咧救選票？開一張7447億个新支票，講欲建設南部，真迷儂。 但是伊2008年有關建設台南个政見十幾條，一條都無做，連上簡單个，廢止新市、白河收費站伊嘛做袂到（南部收費站...

台語文學界，經過二、三十年來，濟濟志士个開墾、經營，其中有一款个語文風格，咱會用得引用張德本先生个「台灣語長詩」《累世之靶》一小段來舉例： 現實的帝國 必有非管轄之地 我的手指準備探摸你歷史的花蕊 放蕩陽根撐破鏡中的形影也不管一切 永久佇你的詩句中 脹大飽滿的意象 毋免阻擋我搓揉旋搖 我會共款叫你Siraiya西拉雅的名拈花 露水攏無驚惶 柚子花清香 迎接每一亇夜深的暗暝 荷花池滿溢 即種...

國民黨佮共產黨是共國个，意識型態佮統治心態嘛共款。怹一直硬拗，欲將咱个台語叫做閩南語，閣舉出真濟共同點來「證明」。 咱講个台語，佮福建講个話，差濟差少，佇政治上、認同上，攏無重要啦，咱欲按怎稱呼咱家治个話，是咱个自由佮人權，毋免伊中共抑是國民黨外儂來主意，伊一直無欲認同咱，煞倒頭栽，叫咱著認同伊，按呢咱著袂giàn予伊統治啦，其他攏免講。 咱若了工損神[liáu-...

五月十七台灣智庫公佈一份2012年總統大選，蔡英文佮馬英九个民調數字，即份民調真有意思，佇遮簡單分拆一下。 總支持度來論，蔡英文只贏馬英九 0.7%。 蔡英文个支持度，對中部開始贏過馬英九（雲嘉南上峘[kuân]，比高高屏閣卡峘）。愈少年个，愈支持蔡，符合一向个觀察報導，我个解說是，少年儂卡捷上網吸收資訊，網路世界卡開放，黨國機器無才調像傳統媒體按呢去把持[pá-t...

台語名：客鳥[kheh-tsiáu]、喜鵲[hí-tshiok]、烏鵲[oo-tshiok]。 俗語：客鳥報喜[pò hí]、客鳥報毋著喜（報好消息，報毋著去）、客鳥報無分曉[bô hun-hiáu]（報消息報無清楚）、客鳥咬毋著批去、客鳥咬柴[kā tshâ]（比喻兩隻船 船頭相挵）、客鳥認毋著儂...

最近壹蘋果網站定定有咧放送台語臆謎猜[ioh bī-tshai]節目，親像《臆看覓》鐵剪刀規身黑　尾暗欲休睏飛去佗　猜地名 即个謎猜伊完整个講法是：一陣鐵鉸刀，規身烏烏烏。尾暗欲歇睏，飛去佗位好。 我共伊改予卡鬥句咧： 一陣鐵鉸刀，規身烏lo-so。天暗想老母，飛轉佗位好？  

台語文書寫表達个探討，應該脫離長期以來所用个，孤立考慮某一个音節按怎對應某一个漢字（抑是拼音字）个思考模式。應該愛量早發展到考慮整體个意義系統當中，台語个各種講法，包括字、詞、片語、成語、俗諺語，隨个仔隨个，佇內底按怎共伊安搭予好勢，欠缺--个 補添，重疊--个分化，才閣配合妥當个書寫符號，來建置一套嶄巖[tsâm-gâm]（完備嚴謹）个現代台語文表達系統。 這是後學...

台語「弓蕉」[kin/king/kim-tsio]个單位，有分三種層次，真幼路、奇巧： 一只[jí]（華語一根），這主要是偏漳腔个講法。另外，有儂講「一莢[ngeh/ngueh]」，即種講法，等一是將「一莢豆仔」个單位詞，提來擴充利用，因為豆仔佮弓蕉攏有長liau个外殼包咧。這嘛會用得簡單講「一條[tiâu]弓蕉」。 一枇[pî]（華語一串），一、二十只...

穿[tshng]、迵[thàng]、軁[nǹg]、鑽[tsǹg]、揻[ui]、貫[kǹg]、轆[lak]，即寡台語動詞，意思重疊[tîng-tha̍h]，主要意義攏是指某種物件進入細細个空[khang]，但是有幼路个分別。舉例來講卡實在： 一、「穿針 tshng-tsiam、穿篙 tshng-ko」 迄个空本來著佇遐，咱才用物件共伊穿過。用線穿過針鼻[tsiam-p...